Matrix Filminin Orijinal Analizi

  

1999-cu ildə
həmin dövrə qədər bəşəri və dünyəvi aspektlərdən
sələflərindən çox fərqli bir film çəkildi. Wachowski qardaşlarının (Andy və Lana) çəkdiyi film orijinallığı və hər cəhətdən nəzərə alınmış ssenarisi ilə tarixin haqqında ən çox düşünülən və bəyənilən filmlərindən biri oldu.

  Ən yaxşı montaj, ən yaxşı səs, ən yaxşı səs effekti, vizual effekt nominasiyasılarında Akademiya mükafatına da layiq görülən film, 8,7 fantastik İMDb xalı ilə Top 250-də 19-cudur.

  Wachowskilər ilk dəfə ssenarini film şirkəti Warner Brothers-ə təqdim edir və film üçün 80 milyon dollar büdcə istəyir. Ssenaridən o qədər də təsirlənməyən rəsmilər yalnız 10 milyon dollara razı olurlar. Bu təkliflə razılaşan qardaşlar həmin büdcə filmin yalnız ilk 10 dəqiqəsini çəkirlər. Bu kadrları Warner Brothers rəsmilərinə göstərdikdən sonra film şirkəti çox təsirlənir və istənilən qədər məbləğə razı olurlar. Nəticədə film 63 milyon dollar büdcə ilə çəkilir və 456 milyon dollar gətirir. (Təkcə vizual effektlər ümumi büdcənin 20%-ni təşkil edirdi). Tarixdə ənçox gəlir gətirən 152-ci filmdir.

  Wachowskilər ssenari və filmin çəkilişlərində olduqca dəqiqliklə çalışırlar. 5 il yarıma filmin ssenarisini yazan qardaşlar bu müddətdə 14 dəfə ssenaridə dəyişiklik edirlər. Qısa səhnələrdə belə ən yaxşısını əldə etmək istəyən rejissorlar Morpheus-un helikopterlə azad edilmə səhnəsini 6 ay üstündə işlədikdən sonra gördüyümüz formada təqdim edirlər. Filmin çəkilişləri o qədər uzanır ki, hətta film şirkəti və kastda belə filmin tamamlanmasına şübhə yaranır.

  Trinity-nin açılış səhnəsindəki qaçış hissəsi 4 günə çəkilir və o səhnə üçün aktyorlar aylarla məşq edirlər. Neo ilə Agent Smith-in döyüş səhnəsi isə düz 10 günə tamamlana bilir. Çəkilişlərdən əvvəl kast heyəti döyüş səhnələri üçün hazırlıq proqramına başlayırlar. Kast bu müddətin cəmi bir neçə həftə çəkəcəyini düşünsə də proqram 6 ay davam edir. Filmdə çəkilişlərin uzun zaman çəkməsinə aid kiçik işarə də var. Filmin əvvəlində telefonda ayın tarixini bildirən 2/18/98 yazısı görünür, sondakı telefon səhnəsində isə bu rəqəm artıq 9/18/99 olur (19 ay).

  Filmdə “seçilmiş adam” obrazı ilə Neo – Keanu Reeves-i baş rolda görürük. İfası ilə bəyənilən aktyor filmdə də maraqlı hadisələrlə yadda qalır. Rejissorlar bu rol üçün Reeves-dən əvvəl çoxları ilə görüşür. Will Smith, bu rol üçün yetərincə yaşlı olmadığını düşündüyünü bildirir və roldan imtina edərək uğursuz komediya filmi Wild Wild West filminə çəkilir. Nicolas Cage, ailəsinin filmi istəmədiyinə görə roldan imtina edir. Ewan McGregor da Star Wars seriyasının davam filminə görə Neo rolundan imtina edir. Tom Cruise və Leonardo DiCaprio da Neo rolu üçün düşünülənlərdən idi.

  Digər adı ilə Thomas Anderson olan Neo personajının filmdə dəbdən kənar və ucuz geyinməsinin səbəbi onun real dünya ilə bağlılığının zəifliyini göstərmək üçün idi.  Filmin ilk 45 dəqiqəsində cəmi 80 cümlə quran Reeves-in cümlələrinin 44-ü sual idi. Həmçinin son səhnədəki sözlərindən əvvəl film boyu heç vaxt ardıcıl 5 cümlə qurmadığını da görə bilərik. Çəkilişlərdən əvvəlki məşqlərdən öncə ağır boyun əməliyyatı keçirən Reeves hazırlıqların 4 ayını xüsusi boyunluq ilə döyüş səhnələrinə hazırlaşaraq keçirir.

  Neo ilə Morpheus-un məşhur döyüş səhnəsində Reeves hücumdan əvvəl burnunu ovuşdurur. Bruce Lee stilində etdiyi bu hərəkəti özündən improvizə etdiyini müsahibəsində aktyor bildirmişdi. Digər məşhur səhnədə isə Morpheus-la ilk dəfə telefonla danışanda 34-cü mərtəbəyə çıxan aktyor həqiqətən o yüksəklikdə idi və heç bir müdafiəedici vasitədən istifadə olunmurdu.

 Filmdəki digər əsas personaj Morpheus idi. Bu ad təsadüfi deyildi. Morpheus yunan mifologiyasında “Arzuların Tanrısı” deməkdir. Məşhur qaradərili aktyor LaurenceFishburne-nun canlandırdığı personaj üçün daha öncə Samuel L. Jackson, GaryOldman, Yun-Fat Chow kimi məşhur simalar düşünülmüşdu. Rol üçün təklif alan digər məşhur Russell Crowe isə “Mən real dünya ilə maraqlanmıram” deyərək filmdən imtina etmişdi.

  Trinity personajını cazibədar Carrie-Anne Moss canlandırırdı. Maraqlısı burasıdır aktrisa, təsadüfən 1993-cu ilin qısa televiziya proqramı olan Matrix-də kast üzvlərindən biri idi. Rol ilk olaraq Gillian Anderson-a təklif olunmuşdu lakin o, bu roldan imtina edir.

  Döyüş səhnələrinin birində biləyi burxulan aktrisa, bu rolu çox istədiyindən bunu gizlədir və filmi başa vurmağa nail olur. Aktrisa bir müsahibəsində filmin premyerasında ilk dəfə özünü izlədiyini etiraf etmişdi.

  Filmin əsas mənfi obrazı isə Agent-lərin əsas siması olan Agent Smith (Hugo Weaving) idi. Daha əvvəl rol Jean Reno-ya təklif olunur lakin o, Godzilla filminə görə Matrix-dən imtina edir. Wachowskilər aktyoru bu rol üçün Proof (1991) filmindəki performansını gördükdən sonra seçdiklərini söyləmişdilər. Film boyu Weaving-in səs tonunu bəyənməyən qardaşlar, montajda aktyorun səsini özlərinin səs tembri ilə generasiya etmişdilər.

  39 ölü bədən gördüyümüz filmin çəkilişində maraqlı məqamlardan digərləri isə gördüyümüz bütün heyvan sülietlərinin kompüter qrafikası olması idi. Trinity-nin helikopter səhnəsində Sidney təyyarə sərhədlərinin aşılması problemlərə səbəb olsa da film sona qədər həmin qanunlar pozularaq çəkilmişdi.