Reallığı Əks Etdirməyən 10 Məşhur Film

  Həyatın içindən yaşanmış gerçək hekayələri bioqrafik filmlər vasitəsilə

izləmə şansı əldə edirik. Izəyicilər izləmək üçün film seçərkən bəzi kriteriyalara diqqət yetirirlər. Kimisi aktyor heyətinə görə, kimisi ssenariyə görə filmi izləmək istəyir. Həyatda yaşanmış hadisələr isə bir çoxlarının diqqətini cəlb edir. Lakin bəzi filmlər hadisələri həyatdakından fərqli göstərirlər. Sizin üçün gerçəkləri  dəyişdirərək göstərən filmlərin siyahısını hazırladıq.

                                            The Hurricane (1999)

       Həyacan dolu atmosferi ilə izləyicilərə dərindən təsir edən Norman Jewison filmi The Hurricane cinayətlə şərlənən və həbsxanaya atılan boksçu Rubin “Hurricane” Carter-in həyatından bəhs edir. Denzel Washington-un baş rolu ustalıqla canlandırdığı bu filmdə 20 illik həbsdən sonra Hurricane-nin günahsız olduğunu sübut etdiyini və azadlığa buraxıldığını görürük. Filmdə dəyişdirilən hadisələrdən birincisi Carter-in hakimlərin irqçi hərəkətlərinə görə onun tərəfində olmamadıqları üçün Joey Giardello-nu öldürürcəsinə döyməsidir. Hətta bu səhnəyə görə Joey Giardello produserləri məhkəməyə vermiş və məhkəmədən haqlı tərəf olaraq ayrılmışdı. Carter cinayətkar kimi olmasa da keçmişdə etdiyi səhvlərə görə soyğunçu kimi tanınırdı.

                                                     Joy (2015)

       Jennifer Lawrence, Bradley Cooper, Robert De Niro kimi məşhur aktyorların olduğu filmdə Miracle Mop və Huggable Handgers icadları ilə tanınmış Amerikalı ixtiraçı Joy Mangano-nun həyatından danışılır. Ancaq tam olaraq gerçəkləri əks etdirildiyi demək çətindir. Filmdə Joy Mangano ərindən ayrılmış, iki uşaq anasıdır və maddi çətinliklər çəkir, Miracle Mop icadından sonra şirkət sahibi olduğu göstərilir, lakin Joy əsl həyatda universitet məzunudur və menecerlik oxumuşdur. Əri ilə universitet illərində tanışmış və üç uşaqları olmuşdur. Filmdə göstərilən dram elementlərinin heç biri Joy-un həyatında olmamışdır.

                                          The İmitation Game (2014)

        Hər nə qədər gerçəklərə uyğun çəkildiyi iddia edilsə də Oskar mükafatlı The Imitation Game filmində də realığa uymayan hissələr var. Benedict Cumberbatch və Keira Knightly-nin baş rollarını oynadığı filmdə Alan Turing-in 2. Dünya Müharibəsi zamanı İngiltərə hökuməti tərəfindən almanların şifrəli yazışmalarını aydınlaşdırmaq məqsədilə vəzifələndirilməsi və etdiyi icadla şifrənin qırılması göstərilir. Əslində filmdə bəhsi keçən maşın tam olaraq Alan Turing-in icadı deyil, Turing Polşada icad edilən bir modeli iş yoldaşları ilə birlikdə təkmilləşdirir və müvəffəqiyyətlə başa çatdırır.

                                        The Pursuit of Happyness (2006)

        Replikaları ilə sosial şəbəkələrdə daim qarşımıza çıxan Will Smith və oğlu Jaden Smith-in aş rollarını canlandırdığı film reallığı tam əks etdirməyən filmlərdəndir. Gabriele Muccino-nun rejissorluğunu etdiyi film Chris Gardner-in boşandıqdan sonra oğlu ilə birlikdə verdiyi həyat mübarizəsi və işsizliyin gətirdiyi çətinliklərdən bəhs edir. Bir dram klassikası olan The Pursuit of Happyness filmində əslində reallıq olduğu kimi göstərilmir. Belə ki, Chris-in bir neçə ay boyunca oğlunun harada olması barədə heç bir fikrinin olmaması, oğlunun arvadından deyil başqa bir sevgilisindən olması, filmdə mükəmməl, lakin əsl həyatda tam tərsi olması, oğlunu çox da vecinə almaması, arvadına şiddət göstərməsinə görə dəfələrlə tutulması göstərilməyən gerçəklərdir.

                                             A Beautiful Mind (2001)

        Siyahıda yer alan Oskar mükafatlı bir film daha. Riyaziyyatçı John Nash-in həyat hekayəsindən bəhs edən film gözlənilməyən xətalarla izləyici qarşısına çıxmışdı. Film dahi riyaziyyatçının reallıqla örtüşməyən fərqli hekayəsindən bəhs edir. əslində Nash-in xəstəliyi ciddi və qarışıq xüsusiyyətlərə malik idi. Nash Princeton-dan məzun olduuqdan sonra yadplanetlilər tərəfindən ona New York Times vasitəsilə şifrəli mesajlar göndərildiyini, qırmızı qalstukluların komunist olduqlarını və professorlarına Papa olduğunu deyirdi. Filmdə bəhsi keçməyən detallardan bir neçəsi Nash-in Nobel mükafatına laiq görülən zaman çıxış etməməsi, qələm səhnəsinin heç gerçəkləşməmiş olması, dahi riyaziyyatçının homoseksuallığa meylindən və təcrübələrindən heç bəhs edilməmiş olmasıdır.

                                             Braveheart (1995)

      Mel Gibson-u həm rejissor kimi həm də baş rol kimi izlədiyimiz bu film də reallığı tam mənası ilə əks etdirməyən filmlər sırasına daxildir. Ssenarist Randal Wallace mövzuda yaradıcı dəyişikliklər etdiyini etiraf etsə də gerçəyə əsaslanmayan qurğusal bir dünya yaratmışdır. Tarixi tərəfdən bir çox hadisənin tamam fərqli göstərildiyi filmdə gerçəkdə “ilk gecə haqqı” hadisəsinin yaşanmaması, şotland ətəklərinin 13-cü yüzillikdə hələ işlədilməməsi və Stirling Körpüsü Müharibəsinin filmdə göstərilənin əksinə daha kiçik bir körpüdə yaşanması, Kraliça Wallace ilə heç tanışmamış və eşq yaşamamış olması reallığı əks etdirməyən elementlərdən bir neçəsidir.

                                 The Texas Chainsaw Massacre (1974)

       Kino tarixinin ən təsiredici qorxu filmlərindən biri olan The Texas Chainsaw Massacre bir qrup yaxın dostun Texasda üzündə maska olan bir əqli xəstə tərəfindən elektrikli mişar ilə öldürülməsindən danışır. Filmin rejissorluğunu öz üzərinə götürən Tobe Hooper filmə marağı artırmaq üçün real hadisələrə əsaslandığını qeyd etmişdi. Film üçün Ed Gein adlı qatilin cinayətlərindən ilhamlanılsa da ssenari cəhətdən tamamilə qurğulanmış film qarşımıza çıxır. Rejissorun etdiyi hiyləgərlik 300 min dollarlıq bir filmdən 30 milyon dollarlıq gəlir əldə etməsinə səbəb olmuşdu.

                                      Good Morning, Vietnam (1987)

       Baş rolunu Robin Williams-ın oynadığı fimin rejissor stulunda Barry Levinson oturmuşdur. Adrian Cronauer-in həyatından bəhs edən film də tam olaraq reallığı əks etdirməyən filmlərdəndir. Ziddiyətçi, idealist və sülh tərəfdarı kimi tanınan Cronauer Vyetnamda Amerika Silahlı Qüvvələrinin radiosunda işləməsi üçün təlimatlandırılır. Bu müddətdə Cronauer-in başından keçən əhvalatlar əyləncəli bir üslubla izləyiciyə çatdırılır. Lakin gerçəklər filmdəkindən olduqca fərqlidir. Cronauer-in hekayəsi Robin Williams-ın üslubuna uyğunlaşa bilməsi üçün yenidən quraşdırılıb. Filmdə sülh tərəfdarı bir liberal kimi izlədiyimiz Cronauer-in əslində tam bir respublikaçı olması kimi yanlışlar gözə çarpır.