Gary Oldman Haqqinda. En Yaxsi Filmleri TOP List

Gary Oldman 21 mart 1958-ci ildə İngiltərə, London, New Cross-da
anadan olub. Anası Kathleen Cheriton evdar qadın, atası Leonard Bertram Oldman isə qaynaqçı idi.

1979-cu ildə Oldman İngiltərədə Rose Bruford Dram Universititetinə qəbul oldu və burada teatr dərsləri aldı. Daha sonra Greenwich gənclik teatrında çıxış etməyə başladı və 80-ci illərin başlarında müxtəlif tamaşalarda oynamağa davam etdi. Məşhur olmamışdan qabaq o ayaqqabı satıcısı, xəstəxanada gözətçi və s. işlərdə işləyirdi.

Onun ilk filmi 1982-ci ildə çəkilən Remembrance oldu. Lakin Oldman-in tanınmasında mühüm rol oynayan film rejissorluğunu Alex Cox-un etdiyi Sid and Nancy oldu. Bu film ona “Ən Yaxşı Yeni Aktyor” mükafatını qazandırdı. Daha sonra 1987-ci ildə Prick Up Your Ears filmi ilə BAFTA-da “Ən Yaxşı Aktyor” mükafatına layiq görüldü.

90-cı illərdə Oldman-in oynadığı filmlərə misal olaraq JFK, Dracula, True Romance, Leon, The Fifth Element, Air Force One, Immortal Beloved və s. kimi məşhur filmləri göstərmək olar.

Oldman 2004-cü ildə Harry Potter And The Prisoner Of Azkaban filmində “Sirius Black” obrazı ilə geri döndü. O bu obrazı Harry Potter seriyasının digər filmləri olan Harry Potter and the Goblet of Fire (2005) və Harry Potter and the Order of the Phoenix (2007) filmində də canlandırdı.

Oldman 2005-ci ildə ilki yayımlanan Christopher Nolan-ın “Batman” filmlərinin hər üçündə onun simvolik obrazı olan “Dedektiv James Gordon”-u canlandırdı. Önəmli film tənqidçilərindən olan MarcKermode Gary Oldman-ın performansını çox bəyəndiyini söyləmişdi.

2011-ci ildə rejissorun Tomas Alfredson olduğu Tinker, Tailor, Soldier,Spy filmində önəmli rollardan biri olan “George Smiley” obrazını canlandırdı və bu obraz ona ilk “Oscar” namizədliyini gətirdi.

Aktyorluqdan əlavə Oldman 1997-ci ildə həm yazdığı, həm də rejissorluğunu etdiyi Nil By Mouth filmini nümayiş etdirdi. Bu film “Cannes” Film Festivalında Kathy Burke-a “Ən Yaxşı Aktrisa” qalibiyyətini gətirdi.

Gary Oldman-ın 3 övaldı var. İlki birinci həyat yoldaşı Lesley Manville-dən, digər ikisi isə üçüncü həyat yoldaşı Donya Fierentino-dandır. 2008-ci il dekabrın 31-də Alexandra Edenborough ilə ailə həyatı qurdu, lakin 2015-ci ilin yanvar ayında ayrılmaq qərarı aldılar. Oldman, 1990-1992 illər ərzində aktrisa Uma Thurman ilə evli olub.