Bruce Willis. Həyatı və Ən Yaxşı Filmləri

                                         

     

 Tam adı Walter Bruce Willis olan Bruce Willis 19 mart 1955-ci

ildə Almanya, İdar-Oberstein-də anadan olub. Anası Marlene K. alman, atası David Andrew Willis isə amerikan idi. Bruce doğulduqdan bir müddət sonra onlar ABŞ-a köçdülər. Anası bankda işləyirdi, atası isə qaynaqçı və eyni zamanda fabrik işçisi idi.

       Bruce orta məktəbdə dramatik incəsənətə olan marağı ilə seçilirdi. O, New-York şəhərində bir kafedə çalışan zaman kəşf olunur və Broadway istehsalı bir neçə iş ortaya çıxardır. Bir gecə o, çalışarkən bir rejissor onu görür və kiçik film rolları üçün bir barmenə ehtiyacı olduğunu söyləyir.

        Saysız kastinqlərdən sonra Willis, Cybill Shepherd ilə birlikdə onun tanınmasında böyük rolu olan Moonlighting serialında yer alır. Bir neçə ildən sonra 1988-ci ildə izləyicilər tərəfindən böyük rəğbətlə qarşılanan və Willis-in daha da tanınmasına yol açan Die Hard filmində NYC dedektivi olan "John McMclane" obrazını canlandırır. Fikrimcə  aktyor olmamışdan öncə şəxsi dedektivlik ilə məşğul olan Willis üçün bu rolun üstəsindən gəlmək elə də çətin olmamışdı. O, Die Hard-ın davam filmlərində oynayaraq daha da çox tanındı.

         Bu qədər ekşn filmindən sonra Willis 1989-cu ildə ailə komediya filmi olan və baş rollarında John Travolta və Kirstie Alley-nin yer aldığı LookWho's Talking filmində Mickey obrazının səs dublyajçısı olur. 1990-cı ildə baş rollarını Tom Hanks ilə paylaşdığı The Bonfire Of TheVanities filmində Peter Fallow obrazını canlandırır.

         1994-cü ildə Quentin Tarantino-nun şedevr filmi olan və baş rollarını John Travolta, Samuel L. Jackson və Uma Thurman kimi önəmli aktyorların paylaşdığı  Pulp Fiction filmində "Butch Coolodge" obrazını canlandıran Willis bir daha böyük bir Hollywood ulduzu olduğunu sübut etmiş oldu. 

          Willis-in digər uğurlu filmlərinə misal olaraq, The Fifth Element (1997), Twelve Monkeys (1995), The Sixth Sense (1999), Unbreakable (2000),  Sin City (2005) və başqalarını göstərmək olar.

           Willis, Demi Moore ilə 13 il evli qaldıqdan sonra ayrılır. Onların 3 uşaqları var.

          1997-ci ildə "Empire" jurnalının hazırladığı "Bütün Zamanların Ən Yaxşı 100 Aktyor/Aktrisası" siyahısında 22  yerə layiq görülmüşdür

          Willis 4 dəfə "Qızıl Qlobus" mükafatına namizəd olmuşdur. Və 1987-ci ildə "Moonlighting" serialına görə "Ən Yaxşı Aktyor" mükafatını almışdı.

Aktyorun ən yaxşı 20 filmini təqdim edirik:

20. The Last Boy Scout (1991)

19. Fast Food Nation (2006)

18. Tears of the Sun (2003)

17. 16 Blocks (2006)

16. Nobody's Fool (1994)

15. Planet Terror (2007)

14. RED seriyası (2010, 13)

13. Unbreakable (2000)

12. Lucky Number Slevin (2006)

11. Death Becomes Her (1992)

10. The Player (1992)

9. Armageddon (1998)

8. The Fifth Element (1997)

7. Looper (2012)

6. Twelve Monkeys (1995)

5. Die Hard seriyası (1988, 90, 95, 07, 13)

4. Sin City seriyası (2005, 14)

3. The Sixth Sense (1999)

2. Moonrise Kingdom (2012)

1. Pulp Fiction (1994)