Goodfellas (Yoldaşlar) Filminin Orijinal Analizi

  

  Godfather filmindən sonra Hollivudda keyfiyyətli mafiya temalı filmlər görünmürdü.
Bu durğunluq 1990-cı ildə Hollivudun ən yaxşı rejissorlarından biri olan qocalmaz Martin Scorsese-in möhtəşəm Goodfellas (Yoldaşlar) filmi ilə pozuldu.



 1967-ci ildən bəri başlayan rejissor karyerasında müxtəlif janrlarda; Wolf of the Wall Street, Departed, Hugo, Shutter İsland, Aviator, Taxi Driver, Ragging Bull, Gangs of New York, Casino kimi İMDb Top 250 siyahısına qazınmış filmlər çəkən rejissorun şah əsərini Goodfellas saymaq olar. Çoxlarınıza tanış olan bu şedevr haqqında maraqlı analizimizə baxaq.




  Filmdə dərin mafiya, ailə və sevgi münasibətləri yaxşı düşünülmüş kadr ardıcıllığı və keyfiyyətli rejissor işi ilə bizə çatdırılır. Epizodik rollarda bir çox həqiqi mafiya üzvləri iştirak edirdi və onların Warner Bros. film şirkətindən necə maaş aldıqları hələ də bilinmir. Scorsese, çəkilişdən sonra filmdəki bir çox dialoqların yazılmadığını, o anda aktyorların özünün improvizə etdiyini demişdi.



  Tanıyanlar yaxşı bilir ki, rejissorun sevimli aktyorları Robert De Niro, Joe Pesci və Leonardo DiCaprio-dur. Bu filmdə də baş rollarda ilk ikisi var idi və Joe Pesci həm də ifasına görə Oskar almışdı. Eyni zamanda Scorsese, ən yaxşı rejissor nominasiyasında, Lorraine Bracco isə ən yaxşı köməkçi qadın rol nominasiyasında Oskara namizəd olmuşdu.



  3 mafiya üzvü dostun başına gələnlərin səhnələşdirildiyi və real hadisələrdən uyğunlaşdırılmış filmdə baş rol James Conway personajını Robert De Niro ifa edir. Film haqqında çəkilmiş sənədli filmdə deyilir ki, De Niro, filmdə Ray Liottanın oynadığı həqiqi Henry Hill-dən rolunu tam düz əks etdirmək üçün gündə 7-8 dəfə həbsxanaya – Henry Hill-ə zəng vurur. Hətta siqaretini necə tutmasını belə məhkumdan soruşurmuş. Ray Liottaya isə Henry Hill ilə danışmaq Scorsese tərəfindən qadağan edilmişdi.

                             



  De Niro-dan əvvəl baş rol Al Paçinoya təklif edilmişdi. Paçino rolu düşünmədən rədd etdi. Filmə baxdıqdan sonra isə peşman olduğunu demişdi. Daha sonra bir müddət John Malkovich də bu rol üçün düşünülsə də Scorsese-in əsas seçimi De Niro oldu.



  Dostların digərini isə Joe Pesci oynayırdı. Həqiqi Henry Hill-in fikrincə Pesci, Tommy DeVito personajını 99% realda olan Tommy kimi ifa etmişdi. Yeganə fərq isə real Tommy-nin nəhəng olması idi.



  3-cü dost – həmçinin narratorumuz Ray Liotta idi. Scorsese Liotta-nın Field of Dreams filmindəki ifasını gördükdən sonra bu rolu ona vermişdi. Daha əvvəl Sean Penn, Alec Baldwin, Tom Cruise kimi məşhurlar Hill obrazı üçün düşünülürdü.



 Hill, uşaqlıqdan mafiya əhatəsində olmaq xəyalında idi. Tədricən buna nail olan gənc, bir neçə il sonra artıq əsas simalardan biri olur.



 Sonra isə evlənəcəyi yəhudi qız – Karen (Lorraine Bracco) ilə tanış olur. Çəkilişlər zamanı Bracco, məşhur aktyor, Scorsese-in də yaxın dostu olan Harvey Keitel ilə sevgili idi. Filmdəki cütlüyün qızlarından biri Bracco, Keitel cütlüyünün qızı Stella idi.



  Karen rolu üçün əvvəlcə Madonna və  Ellen Barkin də düşünülmüşdü. 



Olduqca kaprizli aktrisa olan Bracco, rejissordan onun bütün daş-qaşlarının həqiqi olmasını tələb etdi. Film üçün kirayə götürülmüş zinət əşyaları çəkilişlər müddətində mühafizəçilər tərəfindən qorunurdu.



  Filmin əvvəllərində gördüyümüz yarı satirik “Səncə mən gülməliyəm?” səhnəsi Pesci-nin başına həqiqətən gəlmişdi. Cavan yaşlarında kazinoda işləyən Pesci, bir dəfə qanqsterə komik olduğunu demişdi və qanqster çox əsəbiləşmişdi. Bu xatirə filmə əlavə edildi və bu digər aktyorlara deyilmədi. Ətrafdakı aktyorların təəccübü real idi.



 

   Digər improvizəni isə mafiya başçısı Paul Cicero obrazını canlandıran Paul Sorvino etmişdi. Hill-ə həbsdən çıxanda vurduğu sillə ssenaridə yox idi və Liottanın təəccübü həqiqidir.



  Scorsese film boyu hər bir xırda detalla yaxından maraqlanırdı. Qardirobda gördüyünüz bütün paltarlar rejissor tərəfindən seçilmişdi, hətta qalstuklarınbağlanmasını belə birbaşa Scorsese edirdi. Diqqətlə baxsaz hər ruh halına uyğun fərqli bağlanmış qalstukları görə bilərsiz.







  Rejissorun valideynləri də filmdə iştirak edirdi. Anası Catherine Scorsese, Tommy-nin anası rolunda, atası Charles Scorsese isə həbsxanada sousa soğan doğrayan kişi rolunda idi.





  Ray Liottanın anası çəkilişlər davam edərkən xərçəngdən dünyasını dəyişdi. Bir müsahibədə Liotta, silahla adam döydüyü səhnədəki əsəbinin anasını matəmi ilə o həddə çıxdığını demişdi.



  Ən maraqlı məqamlardan biri isə filmdə hər şeyin üstündə qurulduğu pul ilə bağlıdır. De Niro filmdə istifadə olunan əskizasların real olmasını istəmişdi. Məhz bu səbəbdən istifadə olnmuş bütün pullar yığılmamış heç bir aktyor seti tərk edə bilməzdi.

                          

  Filmlə bu il Clint Eastwood-un çəkdiyi Jersey Boys filmi arasında qəribə əlaqə də var. Joe Pesci-nin canlandırdığı personajın adı Tommy idi. Jersey Boys filmində də Joe və Tommy adında 2 personaj var və bir məqamda Joe belə deyir: “Səncə mən gülməliyəm?”
Next PostSonraki Kayıt Previous PostÖnceki Kayıt Ana Sayfa

0 comments:

Yorum Gönder