İngiltərənin London şəhərində anadan olub. Sənətçi ailəsində doğulan Day-Lewis-in atası Cecil Day-Lewis İngiltərədə dövlət mərasimləri üçün şeir yazan şair idi. Atasının 2-ci həyat yoldaşı Jill Balcon-dan olan Daniel doğulanda 53 yaşı olan atası, aktyor 15 yaşında olanda dünyasını dəyişir.
2 yaşında ailəsi Greenwich şəhərinə köçən Day-Lewis-in uşaqlığı burada keçir. Uşaq yaşlarında əhatəsindəki həmyaşıdlarına yuxarıdan aşağı baxan Daniel məktəbdə də özbaşınalığı ilə seçilir. Aktyor sonralar bu dövr haqqında: "Qanun-qaydalara fikir vermirdim. Marketlərdən əşyalar oğurlayırdım." demişdi.
1968-ci ildə ailəsi ağıllanmayan Day-Lewis-i Sevenoaks Boarding məktəbinə göndərir. Məktəbə nifrət edən gənc Daniel-in həmin dövrdə 2 böyük marağı var idi: ağaclardan müxtəlif formalar almaq və aktyorluq. 14 yaşında Sunday Bloody Sunday filmindəki epizodik rolu ilə səhnə karyerası başlayan aktyor 2 il sonra həmişə məzun olmaq istədiyi Petersfield-dakı Bedales məktəbinə yazılır. Buradan məzun olduqdan sonra çılğın xarakteri ciddi və təmkinliyə dəyişən Day-Lewis uzun müddət teatrda aktyorluq fəaliyyətini davam etdirir.
1989-cu il aktyorun parladığı il olur. Jim Sheridan-ın My Left Foot filmində şikəst Christy Brown-u canladıran Day-Lewis ifası ilə ilk dəfə namizəd olduğu Oskar və BAFTA mükafatlarını alır. 1994-cü ildə In the Name of the Father, 2003-cü ildə isə Martin Scorsese-in Gangs of New York filmi ilə ən yaxşı aktyor Oskarına namizəd olan Daniel 2008-ci ildə Paul Thomas Anderson-un möhtəşəm There Will Be Blood filmi ilə, 2013-cü ildə isə Steven Spielberg-in Lincoln filmi ilə Oskar, Qızıl Qlobus və BAFTA mükafatlarının hamısını qazanır. Ümumilikdə 5 dəfə namizəd olduğu ən yaxşı aktyor nominasiyasında 3 dəfə Oskarı qazanan Day-Lewis bu nominasiyada Oskarı ən çox qazanan aktyordur.
Rol seçimlərində ən kaprizli aktyorlardan olan Daniel bugünə qədər 19 filmə çəkilmiş, son 20 ildə cəmi 7 filmə çəkilmişdir. Jim Sheridan və Martin Scorsese ilə daha çox işləyən aktyor dramatik səs tembri, müxtəlif aksentlərdə rahat danışa bilməsi və personajına olduqca uzun müddətə hazırlaşması ilə seçilir. 1996-cı ildə rejissor-yazıçı-aktrisa Rebecca Miller ilə evlənib. Aktyor 2005-ci ildə Miller-in rejissor və ssenaristi olduğu The Ballad of Jack and Rose filmində oynamışdı. 1989-94-cü illərdə birlikdə olduğu fransız aktrisa Isabelle Adjani-dən də bir övladı olan aktyorun 3 övladı var.
Sevimli aktyoru Heath Ledger, rejissoru Frank Capra, filmi Mr. Smith Goes to Washington (1939) olan Daniel Day-Lewis-in ən yaxşı 9 filmini təqdim edirik.
9. The Boxer
8. The Unbearable Lightness of Being
7. My Left Foot:
The Story of Christy Brown
6. The Last of the Mohicans
5. Gangs of New York
4. Lincoln
3. The Age of Innocence
2. In the Name of the Father
1. There Will Be Blood
0 comments:
Yorum Gönder